بہاول پور ، ماں کی ممتا کی لازوال مثال بچہ چلتی ٹرین سے نیچے گر نے پر ماں نے بھی ریل گاڑی سے چھلانگ لگا دی، دونوں چوٹ لگنے سے شدید زخمی ...

بہاول پور ، ماں کی ممتا کی لازوال مثال

بچہ چلتی ٹرین سے نیچے گر نے پر ماں نے بھی ریل گاڑی سے چھلانگ لگا دی، دونوں چوٹ لگنے سے شدید زخمی

تازہ ترین۔ 20 دسمبر2018ء) ایبٹ آباد سے بذریعہ ریل گاڑیکراچی جانے والے خاندان کا ایک بچہ چلتی ٹرین سے نیچے گرا تو ماں کی مامتا سے رہا نہ گیا، ماں نے بھی اپنے بیٹے کو بچانے کے لیے ریل گاڑی سے چھلانگ لگا دی۔تفصیل کے مطابق چار سالہ شایان اس وقت ریل گاڑی سے نیچے گرا جب ریل گاڑی چنی گوٹھ اور لیاقت پور کے درمیان پہنچی۔

شایان اور اسکی ماں دونوں چوٹ لگنے سے شدید زخمی ہو گئے جنہیں وکٹوریہ ہسپتال بہاولپور کے شعبہ حادثات منتقل کر دیا گیا۔ عینی شاہدین کے مطابق بچا ریل گاڑی کے ڈبے میں دروازے سے باہر جھانک رہا تھا، توازن برقرار نہ رکھ سکنے کے باعث باہر گر گیا تو بچے کی ماں نے اپنے بیٹے کو بچانے کے لیے چلتی ٹرین سے چھلانگ لگا دی۔ ڈاکٹر کے مطابق دونوں ماں بیٹے کی حالت خطرے سے باہر ہے۔